最近各大牌子都開始減價促銷，加之電商的助攻，一時之間購物慾盛。但成日又左揀右揀都買唔落手，一係價位未達運費要求，一係覺得買得太多而覺得唔會用得住，於是一時間，我就諗起一個問題：

我點解咁想買嘢呢？ 係咪中咗商家嘅圈套呢？！

所以，今次就講下消費當中嘅心理。所謂「知己知彼，百戰不殆」，藉此讓理性降臨消費。

今次要講嘅係由2002年諾貝爾經濟學獎得主Daniel Kahneman同Amos Tversky所提出嘅錨定效應。

呢個現象就比喻我哋買嘢嗰時，會將第一眼見到嘅價碼設定為「參照點」(reference point)，然後以此判斷其他價格嘅高低。就好似一個錨咁將自己定咗喺一個位置到，然後係呢個點到來回移動，看似自由，卻無所不受限制。

港台曾經做過一個實驗，問A組人「圖書館館藏量係幾多？多過定少過三百萬？」而B組則問「多過定少過二千萬？」最後A組平均值為587本，B則2475本。可見，拋錨點確實會影響到預設價格。

因此，回看返一開始個例子，商家故意將原價標然後劃去，就係為咗落錨。此後，我地就會認為呢件貨品物超所值，仲要比個啲原本就標價＄500嘅貨品又高質。

但呢到就係大家要小心，同埋可以提點小朋友嘅地方。係唔少電商嘅優惠期次內，因為唔少人都係聞風而初至，去到就覺得啲貨物折得好多好抵，卻唔知道原來只係平過平時少少。

「內地網民發現：雙11 『減價』後淘寶貨品反而更便宜？」

「雙11減完竟比原價貴？台網民突破盲腸：本來就不是台灣的購」

以上兩則新聞，相信大家都唔難發現佢哋嘅心計，所謂價格可以係折前，或者折後，都可以唔同，所以買嘢之前真係唔可以衝動。

呢個問題其實出至自資訊不對稱上，由於我哋初來乍到，對於貨品質素同價位都唔太了解，因此主觀地受到折扣嘅衝擊而去判斷質素同便宜與否，實屬不當。

因此，我建議大家可以提早留意貨物價位，以此判斷折舊之真偽，或者係電商優惠開始之前，先將想買嘅貨品提早放曬落購物車到，開始後直接去購物車之中揀選，以免因其他貨品的折扣而影響自己嘅判斷。

但當然，事先應該按貨品質素來訂定一個心理價位畀佢，亦都可以參考同類產品嘅定價係幾多，以資衡量。