香港嘅家長出曬名會為小朋友嘅學習操心，但係相信有唔少家長，係應付常識科嘅時候都會摸不着頭腦。常識科唔似中英文科可以直接為小朋友背默、串生字，又唔似得數學科咁主要操練公式即可，估計大部份嘅家長都唔知小學常識科入面到底包含咗啲乜嘢。今日就等Tutor Circle尋補為家長介紹吓小學常識科，並提供幾個有用嘅溫書小貼士啦。
輸入優惠碼「2023APR」登記補習即可獲$100補習現金券及明報教育出版兒童圖書，或萬里學習書籍價值高達$118 (不設學費要求！)。補習形式選「自行組成小組」(2人或以上補習小組)，首兩星期學費滿$800額外送$100 超市現金券，每多一人多送$50超市現金券。（優惠受條款約束。按此圖登記補習，優惠碼將自動輸入）
1. 常識到底係教啲咩
目前，小學常識科嘅設計理念着重學生整體學習經驗，強調學生全面認識喺社會入面擔當嘅角色，喺自然世界所佔嘅位置同埋人類與環境嘅互動關係。另外，德育及公民教育亦有相當重要嘅角色。
值得留意嘅係，常識科唔似其他小學科目，測驗同考試未必係佔分最重嘅考核模式，反而其他一啲關鍵項目如專題研習等，則更加重要，為學生提供更加多機會進行全方位學習、探究同埋親身實踐嘅學習經歷。
一般來說，小學常識科設有6個學習範疇：
- 健康與生活
- 人與環境
- 日常生活中的科學與科技
- 社會與公民
- 國民身份認同與中華文化
- 了解世界與認識資訊年代
2. 點樣溫書
可能有好多家長幫小朋友溫習常識科嘅時候，都會摸不着頭腦，唔知點先至可以為小朋友取得好成績。
其實小學常識科嘅設計貼近日常生活，考試問題都不外乎例如比較環保嘅能源來源有啲咩例子，或者香港嘅渠務署主要職責係啲乜嘢，當然啦亦都可以叫小朋友死背咗個答案，但係其實更有效率嘅方法，係家長喺日常生活中多啲為小朋友簡介社會。
小學後嘅常識科考試，亦都設有時事題，而時事題更加係冇辦法溫習或者貼題嘅。家長一定要多啲同小朋友睇新聞，得閒冇事問吓小朋友對於社會現狀嘅睇法，唔一定要小朋友引經據典，答案鏗鏘有力，但至少要小朋友對於事情有一定嘅反思，加深記憶。
呢啲亦都唔係考試之前兩三日就做到嘅嘢，一定要長年累月訓練小朋友對事物嘅敏銳觸覺，呢一方面就可能要家長多多留神。
3. 專題研習
小學常識科必做嘅就係專題研習。專題演習係主動學習同埋探究嘅寶貴學習經驗，學生要自行進行資料蒐集、整理、分析或測試，從而作出結論，校方亦都會要求學生提出新嘅意念、設計同埋改善建議。
小編明白大部份嘅香港家長都擔心小朋友嘅學業成績，功課、考試等等，但係其實遇上專題研習，家長可以做到嘅嘢相對來講比較少，小編亦建議家長唔好過分干擾，始終專題研習係小學入面少見嘅互動性評估，對於小朋友嘅獨立思考要求較高，亦都要求小朋友比較獨立，例如要出街為路人做問卷，自己影相做記錄等等，對小朋友來講其實係一個非常之珍貴嘅學習經驗。
如果家長過分憂心，甚至想幫小朋友做埋，以獲取一個較好嘅成績，其實會剝奪小朋友運用知識嘅技能，所以家長不妨後退一步，放手比小朋友自己獨立思考，強化思維。
總結
小學常識科唔似中文科嘅背默，可以喺考試兩三日之前臨急抱佛腳，一定要長年累月喺課堂以外主動搜尋同埋建構知識，令學習跑出課室，走入社會。家長可以令到常識科嘅學習更加貼近學生嘅生活經驗，令到學習更加切合學生嘅需要同埋興趣，從而取得好成績。
====
延伸閱讀：
