郭灝霆 Marco Kwok
2011年場地單車世界錦標賽15公里捕捉賽冠軍。他是繼師兄黃金寶於2007年後,第二位贏得彩虹戰衣的亞洲男車手。
郭灝霆於網上的奪標片段,得到單車迷的極大回響。郭的凌勵後勁與前輩洪松蔭真情流露的旁述,激蕩人心。於衝線前的一刻,阿松説:「相信黃金寶呢個時間最開心呀!」
「我同阿寶嘅關係亦師亦友。佢贏咗世界冠軍,令我下定決心努力練習。四年之後竟然夢想成真!由於我地係同房,佢會比較了解我,例如比賽輸咗會喊!佢會同我分享佢嘅經歷同埋單車訓練上嘅技巧。所以我都好樂意好似佢咁,同下一代分享我嘅經驗。」
名師出高徒,長大了的郭灝霆逐漸明白沈金康教練當年的苦心。「全職訓練嘅時候非常嚴格,亦對我嘅要求特別高。教練擔心我太細個得到好成績,會對成敗睇得太重。佢有時俾你少少挫折,其實係希望你可以走得更加遠 。」
轉戰科技界的郭灝霆仍然非常熱愛單車,希望透過數據分析強化基礎訓練。香港能夠擁有一個世界級的單車館,絶對是難能可貴。「喺歐洲等地方,小朋友已經可以踩鑊場。咁樣對長遠發展好有幫助。香港有個咁靚嘅場,好多退役運動員包括黃藴瑤同埋我,都會非常樂意幫手推廣。」