凝動第一次同 點滴是生命 A Drop of Life合作，舉辦專為「動樂一家」會員同埋凝動學生而設嘅親子紀錄片放映及分享會，新年放送正能量！
 

大家記記唔記得 Alex Fong 方力申喺2019年11月以破紀錄成績10小時43分鐘完成45公里慈善環島游？佢係第一位香港人完成呢項咁艱鉅嘅挑戰！「點滴是生命」就較早前將Alex 練習同挑戰當日嘅歷程拍攝咗一條紀錄片——《A Dream of a Lifetime》，而紀錄片係冇公開放映過嫁！

活動特別邀請到方力申以凝動大使、「點滴是生命」榮譽顧問兼香港游泳學校 Hong Kong Swimming Academy「方校長」多重身份，加埋點滴是生命機構代表，同我哋分享到底點解會有咁樣嘅一個挑戰？當中遇到啲咩困難？團隊又點樣一齊克服每一個難關？希望Alex不屈不撓嘅精神可以啓發大家，疫情其間遇到挫折都唔好放棄！

嚟緊凝動運動員支持者黃浩輝同凝動都會有一個驚人嘅挑戰！咩挑戰？唔講住～ 作為超級馬拉松運動員兼教練嘅佢都會加入我哋嘅分享會，到時你咪知囉！

活動咁精彩，仲未係「動樂一家」嘅會員，快啲報名啦！我哋會定期舉辦咁正嘅親子活動㗎！