香港人向來喜歡BBQ。你有沒有試過全素嘅BBQ？全素嘅BBQ不含肉類，可以避免肉類經高溫烹調後，產生嘅致癌物雜環胺（HCAs），所以素食嘅BBQ一定會健康啲！

想知素食BBQ有咩可以揀，咁就留意以下好介紹啦！

1. 三色椒

含豐富抗氧化物，有助平衡燒烤產生嘅致癌物。烤菜時可用錫紙包裹，更能保留較多營養。

2. 菇菌類

新鮮菇菌類除咗帶有鮮味，仲富有口感。選用大隻鮮冬菇、厚切杏鮑菇等較豐厚多汁嘅菇類作為BBQ配料，食得更滋味。

3. 澱粉質類蔬菜

除咗燒麵包，下次可多選如番薯、粟米、南瓜等帶有澱粉質嘅蔬菜類，補充碳水化合物之餘，亦可攝取纖維。

4. 素雞、蜂巢豆腐

好多素食食物都含有豐富蛋白質，以素雞及蜂巢豆腐為例，吃3至4件，就已經可以攝取到一份蛋白質。同時，只要加少少鹽及黑椒，再燒兩燒，就已經食得啦！

5. Beyond Meat 漢堡扒

每塊含有20克蛋白質嘅Beyond Meat漢堡扒必定係BBQ首選。除咗營養豐富，燒烤起上來還會因為「梅納效應」而像真肉一樣會有顏色上嘅轉變。不論視覺還是味覺，Beyond Meat漢堡扒都會帶來驚喜！加埋蕃茄、生菜同牛油果，配上即燒即食Beyond Meat漢堡扒，必定為素BBQ帶來刺激感！