多謝各位家長支持，分享非主流教學故事嘅好玩爸媽講座已經喺11月1號完滿結束。感謝四位講者同大家分享佢哋嘅教育理念同各種實際例子。
喺香港，要父母完全同子女實行非主流教學未必係容易嘅事，重要嘅係家長如何理解佢哋嘅理念，喺日常生活加添小元素。到底一星期兩次嘅默書係咪咁重要？透過同小朋友一齊遊戲或者組織活動，甚至係家庭日去行山都可以得到知識。
實行在家自學超過四年嘅Purdey：「生活就係包含不同領域範疇嘅學習！」
同子女一齊定立活動時，家長可透過當中嘅目標同過程建立明確界線同價值觀，再俾佢哋知道你嘅信任。
蘇格拉的名言 — 「教育不是灌輸，而是點燃火焰」
我家孩子不上幼稚園－－GoKids創辦人Esther就分享佢從而深受影響嘅教育理念 －－教育是把學生內在已經擁有的潛質吸引出來。或者家長不必因為孩子識得一百個vocab而自豪，但會因為佢哋喺熱愛嘅專長發光發熱而感到驕傲。
而共學社群香港瑟谷教育Sudbury Hong Kong ，就分享咗好多佢哋嘅教育理念同各種實際例子，例如混齡、自主學習等。當中其核心信念為「當人愈被尊重、被信任、感到自由時，內在本有的良好特質就愈能發揮出來。」小朋友喺有足夠信任同安全感之下先會發揮所長。專制？放縱？父母或教育者又應該點喺「自由」同「責任」度取得平衡呢？
講到孩子成長同教育，最緊要都係父母陪伴，同子女共同體驗和經歷。
你又理解子女在學校學些甚麼嗎？家長們，一起加油吧！
想參加下一次【好玩爸媽親子講座】，密切留意記得留意我地Facebook啦！
查詢：2342 0780
Facebook Fanpage：Jollymap.com 快樂地圖 / Jollymap Hub （活動及課程）
