【認識阿仙奴足球學校系列

【認識阿仙奴足球學校系列－教練團隊】

坊間近來出現愈來愈多大大小小嘅足球訓練機構，花多眼亂，相信令唔少家長喺為子女選擇訓練班時搞到頭都大......

暑假就黎完，唔少家長都打電話嚟查詢有關九月後嘅課程，同時都想了解我哋同其他足球訓練機構有啲咩分別！

所以今次我哋都希望藉著唔同角度，等大家認識阿仙奴足球學校更多！事不宜遲，今次首先帶大家認識我哋嘅教練團隊先啦！

龐大團隊

本校今年已踏入第八個年頭，學生人數穩步上揚之餘，亦發展出多支精英隊及深造班，近年亦多次喺大型比賽中得獎，成績亦有目共睹。

球員有咁好成績，全賴一班教練無論打風落雨太陽曬都落力咁教導小朋友，亦令到球員質素愈嚟愈進步！

而隨著學校規模變大，我地今年常規教練亦已增加到70人啦！
有龐大嘅教練團隊，我地先可以從中選材，等不同能力教練都可以教授到合適年齡嘅小朋友，咁教學質素自然會一直提升啦！

統一教案

其他足球訓練機構可能會依靠教練自身知識去設計教練內容，但始終每個教練經驗有參差，有機會設計內容唔可以最切合到學生嘅能力同需要。

我地亦於數年前發現呢個問題，於是委任了任教經驗超過30年，現任香港五人足球代表隊教練何詠琴 Miss Ho作為技術總監，配合英國嘅教學方向，為阿仙奴足球學校設計教案。

Miss Ho由阿仙奴足球學校開辦第一日開始已經喺度任教，了解不同年齡，包括3-12歲，無論初學或者進階嘅學員需要。而佢亦會喺每一堂到球場視察進度，並於教練定期開會，從而了解學生學習進度，再設計更豐富，更合適嘅教案，務求令學生可以按部就班，學習最多嘅知識，為香港足球培訓練多人才！

定期培訓

阿仙奴足球學校英國總校每年都會派出總教練到港為我地所有教練作培訓（係所有！），同時亦會到各分校、深造班同精英隊觀察球員嘅表現，過往幾年總教練都話我哋球員一年比一年進步添！

有英國總校大力支持，我哋自然可以確保我地嘅訓練模式與時並進，更加貼近英超嘅發展模式啦！

今次就講住咁多先啦，等我地下次【認識阿仙奴足球學校系列】再分享更多俾大家聽！

-----------------------------

9-10月課程現正接受報名！

報名表格 (要先註冊成為會員方可報名)：

☎報名查詢

電話：3568 5508

Whatsapp：6627 1606

電郵：enquiry@playthearsenalway.com.hk

打開APP閱讀全文