今次同大家黎到粉嶺。位於粉嶺百和路，警察機動部隊總部旁嘅百和路遊樂場。遊樂場雖然唔係好大，但設施非常適合親子遊玩。
遊樂場內設有單車區，內有一個BMX場及一個兒童單車練習場。
單車練習場
圓型單車練習場為地上刻有不同方向及路線指示，小朋友可以跟住路線去練習同熱身，學習踩得更加穩定。
旁邊有飲水機及長櫈，家長可以睇住小朋友又可以坐低休息下。
BMX單車玩樂場
練習場隔離就係BMX場。 BMX場高低起伏較大，並不適合一般踩單車，所以進入場地前記得帶齊保護裝備。較高階嘅朋友可以係到一展所長。謹記安全為上！
標準大小硬地足球場
另外，百和路遊樂場內亦設有一個標準大小硬地足球場。
設有休憩區
遊樂場另一邊就係洗手間及休憩區域，有石春路及各色各樣嘅健身設備。
想踩多D嘅朋友仔可以沿住遊樂場外嘅單車徑繼續踩，單車徑接駁成個粉嶺。
交通
港鐵：粉嶺港鐵站A3出口，向警察機動部隊總部方向步行約500米，穿過隧道右轉即可到達。
巴士：嘉盛苑站落車，途經巴士 – 76k, 270A, 270B, 270S, 273A, 273D, 277P, 278X, 279X, T270, T277
駕駛：可於旁邊置華里停車場泊時租
開放時間：08:00–23:00
===
原文轉載：親子單車地圖17 之粉嶺百和路遊樂場
