提到位於九龍區嘅單車公園，蒲崗村道公園當然佔了一席之地。蒲崗村道公園位於九龍鑽石山蒲崗村道140號，公園佔地約9公頃。
 

三種迥然不同的單車場地
園內設有三種迥然不同的單車場地，一係環迴高架單車徑，二係專為初學者而設的單車園地，以及極限運動場，能夠滿足各類型單車發燒友的需要！而且費用全免，平日亦吸引大批單車愛好者黎一展身手。

長約一公里、闊約六米嘅環迴單車徑依山而建，形成獨特架空面貌，更係全香港首條及最長嘅高架單車徑！呢條高架單車徑除咗環迴路徑，更設有上落斜路段，十分具挑戰性，途中設有休息間，小朋友可以停落黎稍作休息及補充水分。

不過以下係大家需要注意嘅事項：

1. 必須配戴單車頭盔
車手必須配戴合適嘅單車頭盔，方可進入單車徑，唔記得幫小朋友準備頭盔嘅家長們唔洗擔心，園內嘅單車租賃亭同時會提供頭盔租賃服務。

2. 此單車徑只供兩輪單車使用
所有兒童平衡車及兩輪滑板車不可進入單車徑，只供兩輪單車使用，家長必須留意！

3. 此單車徑只供腳踏單車使用
附有輔助輪的單車不得進入單車徑，如果擔心小朋友應付唔到高架單車徑，可以考慮使用單車園地作練習，單車園地容許使用平衡車及滑板車，而且比較地勢平坦，小朋友會較易掌握，亦方便家長係旁面照顧。
 

 出入時會有保安檢查，所以要注意啦！

除了單車設施，公園提供多元化康樂設施，包括人造草地球場、板球練習場、長650米的緩跑徑、健身園地、兒童遊樂場、露天劇場和苗圃，係親親大自然嘅好機會，多元化設施亦非常適合一家大細一齊黎玩！

此外，園內「可再生能源區」設置展板介紹公園內嘅可再生能源設施，家長可以藉此教小朋友認識地球資源及可再生能源，寓學習於娛樂。

交通：

• 於鑽石山港鐵站轉乘綠色小巴19、19M、33A或33M
• 於觀塘或彩虹乘搭巴士3C、203E
• 公園另設可停泊45輛私家車的收費停車場，注意停車場入口位於蒲崗村道近國際基督教優質音樂學校旁。
   

開放時間：

• 高架單車徑：每日早上八時至晚上十時三十分
• 單車場：每日早上八時至晚上十時三十分
• 極限運動場：每日早上十時至晚上十時三十分
   

單車租賃亭：

• 逢星期一至星期五由上午十時至晚上七時
• 逢星期六、日和公眾假期由上午十時至晚上八時

請注意：高架單車徑和極限運動場的定期保養日為每月第2和第4個星期一上午8時至下午2時

===

原文轉載：親子單車地圖2 之蒲崗村道公園