想同小朋友踏單車玩平衡車又唔知去邊玩好？ 全港親子單車好去處系列為各位家長嚴選全香港所有合適一家大細一齊踏單車玩平衡車嘅好地方。

大埔海濱公園為香港面積最大的公園，位於大埔工業邨旁，建基於填海所得的22公頃土地上。由於鄰近吐露港風景優美，加上單車配套及親子娛樂設施齊全及，所以非常適合親子單車遊。

家長可以先沿海濱長廊到園內單車鋪租單車。單車鋪正正就係單車徑旁邊，單車鋪提供兒童單車，單車及家庭車等選擇。

而附近單車停泊處亦有大量共享單車供市民使用。

海濱單車徑由單車鋪開始計向工業邨方向踩只有1.5公里，適合較年幼嘅小朋友。但係想踩多d嘅朋友唔洗擔心，e條單車徑除左可以踩番出汀角路，一路通到入大尾篤之外，亦可以踩番落吐露港公路，一路踩番入沙田亦得！而園內單車鋪亦提供沙田還車服務，體力較佳嘅朋友都夠你踩足全日！

另外，大埔海濱公園內有大量娛樂活動設施及打卡點。例如e座回歸紀念塔就係海濱公園嘅地標，紀念塔正正係當年英國軍隊接管新界時嘅登陸地點。紀念塔設計非常獨特，上到去更可以飽覽大埔海濱公園全景或者遠眺八仙嶺及馬鞍山嘅景色。

打卡位又點止咁少！海濱長廊、玫瑰園、噴水池等，大量打卡點等你去發掘！

除此以外，園內亦有大量康樂設施，例如草地滾球場、門球場、模型船池、風箏場等等。

而當中的科技兒童遊樂場小朋友非常值得一去，除了有得玩亦有得學！

公園亦有多間小食亭及餐廳，除左有食物飲品之外，風爭、吹氣泡泡及玩具等都有出售。

園內亦有一座爬蟲館，讓小朋友了解更多爬蟲類生物。

交通
巴士：72A、73、73X、75X、271、275R、74K、75K、71K、71S
港鐵：大埔墟港鐵站落車，乘K17號港鐵接駁巴士或步行30分鐘
駕駛 ：附近有相當經濟的空地停車場

====