想同小朋友踏單車玩平衡車又唔知去邊玩好？ 全港親子單車好去處系列為各位家長嚴選全香港所有合適一家大細一齊踏單車玩平衡車嘅好地方。

小瀝源路遊樂場位於香港新界沙田城河東小瀝源路，佔地3.4公頃，遊樂場處於小瀝源渠與小瀝源路之間，由大涌橋路，中間由插桅杆街分隔，一直伸延到沙田圍路。園內有兩個單車場，面積唔算太大，但對小朋友黎講都算足夠。
 

兒童單車場
入口的右手邊就是「兒童單車場」，好適合初學踏單車嘅小朋友嚟練習。

歷奇單車埸
而左手邊就是歷奇單車場，歷奇單車場內嘅單車徑高低起伏，有地下行車線同有迴旋處，很適合較大嘅小朋友黎挑戰一下！園內有一條專比單車踩嘅石春路架，仲有一個「大圓形」場，十分適合鍾意刺激嘅小朋友！

其他設施
卵石徑、4個壁球場/乒乓球室、4個網球場同埋2個人造草地滾球場。

公園開放時間：上午7時至下午11時30分

交通：

• 沙田城河東小瀝源路1號

• 港鐵：石門站A出口，步行約5分鐘。

• 駕駛人士：設有公眾停車場

===

原文轉載：親子單車地圖20 之瀝源單車公園