馬鞍山公園位於馬鞍山市中心，位置都算方便，面積十分大，佔地 5.5 公頃，設施亦非常多元化！係附近可以一次過玩晒踩單車、游水、跑步，而且仲有圖書館，真係可以滿足晒你嘅願望啊！
馬鞍山公園最大既特色就係公眾遊樂設拖緊緊相連，如果你係圖書館睇完書，行兩步就會去到馬鞍山泳池，再行多兩步，仲可以去埋海濱長廊踩單車添！
吐露港海濱
馬鞍山公園臨近吐露港海濱，可以遠眺八仙嶺群峰，景色優美。同科學園一樣，呢到既單車徑都係圍繞海邊。大家亦可以係海濱長廊散下步，海濱長廊面都有唔少設施架。
單車徑
馬鞍山公園擁有小型單車場同埋標準單車徑，而且單車徑可以望到海景！景色優美！小型單車場就比較初學嘅小朋友先鍛鍊吓技術，技術比較好嘅小朋友先好去單車徑玩啊！
租單車
因為公園入面冇得租單車，如果家長小朋友有需要租車，可以去馬鞍山公園對面嘅福安花園單車鋪租車。又或者去海濱長廊附近既單車停泊處，你都可以搵到好多共享單車架！
迷宮式設計的花園
馬鞍山公園嘅大型歷奇迷宮。
馬鞍山圖書館
其他設施
公園內其他設施包括一個介紹馬鞍山採礦歷史的展覽場；入面有礦石標本、採礦設備，兒童遊樂場、健身緩跑徑，卵石徑及適合長者使用嘅健身器材等等。
玩到攰嘅時候，可以去泳池隔離既餐廳食野，又或者去公園入面嘅小食部買下小食，而小食部旁邊就有洗手間同埋飲水機。而小食部嘅上面，就係瞭望台，你可以係上面睇哂成個海景！
公園地圖
公園開放時間：每日上午六時半至晚上十一時
入場費用：全免
交通
地址：沙田馬鞍山鞍駿街十二號
港鐵：乘搭馬鞍山線，馬鞍山港鐵站A出口，步行5分鐘。
巴士：A41P, 40X, 85M, 85X, 99, 99R, 86C, 86K, 86S, 87D, 87K, 89D, 286C, 286M, 680, 680X, 681, 682, 682A, 885
小巴：26, 803, 805S, 807A, 807B, 807K, 807P, 808, 810, 811S
*泳池旁邊既停車場可泊車
===
原文轉載：親子單車地圖18 之馬鞍山公園
