數碼港位於港島西南方，貝沙灣旁。係一個雲集科技與數碼內容業務租戶的創意數碼社區。數碼港社區內設有頂尖的資訊及通訊科技設施及先進的寬頻網絡，四座甲級智慧型寫字樓、一間五星級設計酒店及一個商場。

講到踩單車，你可能問：你講緊科學園咋嘛?

大家對數碼港嘅印象大多係甲級寫字樓加高級住宅，重要係港島西南邊，平日單車都唔多架，踩單車？！
 

數碼港其實擁有南區唯一一條單車徑。雖然單車徑只有大約300米長，對於單車友黎講實在微不足道，但在於親子單車嘅角度係非常合適！

雖然單車徑比較短，但四周都設有單車停泊處。小編建議家長可以由黃竹坑站乘公共交通工具到貝沙灣單車徑起點，由貝沙灣沿單車徑踩到數碼港海濱長廊。

數碼港海濱長廊是香港島南區鋼綫灣的一個公園，佔地60萬平方呎。有一片大草地及休憩地方，亮點在於面向香港西南方嘅無敵大海景─西博寮海峽。

西博寮海峽係來往南中國海及珠江流域嘅必經之路，是香港最繁忙的海峽之一，所以長期有大量大大小小的貨櫃船及輪船經過。配合一望無際的海景，成為數碼港海濱長廊的美景。

由於數碼港海濱公園地方開揚寬闊，除咗適合小朋友踩單車，亦適合玩平衡車滑板車。

亦都係同寵物散步、野餐及玩風箏嘅好地方。

除咗大草地同海邊空地之外，E到嘅兒童遊樂設施係非常特別！例如有可以360度旋轉嘅旋轉輪、被稱為「困獸鬥」嘅小型足球場及數碼化嘅益智設施等等。

公園旁亦設有汽水機及休憩區。

當日小編更加遇到人玩滑翔傘添！

提提大家可以數碼港海濱公園面向西南方，係睇日落嘅絕佳景點，千奇唔好錯過！

離開數碼港海濱公園可以行兩分鐘去到數碼港商場。商場入面設有兒童遊樂設施、大型玩具店、戲院及大量食肆便利店，可以入去補給下！

商場後面就係巴士總站，交通非常方便！

交通

• 數碼港海濱公園外設咪錶位，鄰近亦設有時租停車場
• 可於黃竹坑港鐵站B出口沿天橋過到黃竹坑道乘69A小巴或73城巴到貝沙灣落車
• 亦可由中環、鰂魚涌、銅鑼灣、香港仔或北角出發到數碼港公共運輸交匯處
• 途徑小巴：10、10P、69、69A、69X
• 途徑巴士：新巴30X、42C、城巴73、73P、過海巴士107P、970P、971R