今次小編帶大家到被譽為「香港人後花園」嘅南生圍。
愛護環境
係開始之前小編希望各位讀者親臨嘅時候好好珍惜同愛護環境，好好享受親子家庭樂之餘，令此地永遠都係「香港人後花園」。
兩種不同程度玩法
由於南生圍有別以往單車公園，佔地非常大，如果小朋友踏足全程會比較辛苦，因此以下分為簡單版及進階版供各位選擇。
簡單版：
建議各位乘港鐵到元朗站，B出口向市中心走，於附近單車鋪租單車後，再次向港鐵站方向走。沿元朗舊墟路一直到尾轉右走，山貝村公廁對面有一個小路口，去到盡就會見到南生圍橫水渡啦！
南生圍橫水渡
由於南生圍被錦田河同山貝河圍住，所以陸路黎講只有南生圍路一條車路入口。橫水渡亦因而成為左南生圍一大特色，透過一分鐘「人力推動」嘅船程，幫你省卻超過5公里嘅陸路。
加上唔洗「等船」，只要按鐘，船就會過岸接載。非常適合「簡單版」的小朋友
取景勝地 - 南生圍
過了對岸後，沿路到分叉口左轉就係我地目的地 – 南生圍啦！由分叉口開始計算，前方大約有1公里路程的草地可以踩單車。是否有似曾相識的感覺？其實南生圍係拍攝婚紗照及無數電影、電視、音樂短片的取景勝地。而其中的木橋更係必到嘅打卡點！
破屋看全景
除此以外，過了木橋後右邊有一條小路，盡頭有一間破舊廢屋，廢屋旁有一條樓梯，站上去能夠遠眺整個南生圍的美景呢！
景色優美
再往前走沿路皆為一大片的山林美景、蜿蜒河流及長木橋等風景，景色非常優美。
雀鳥及動植物天堂
南生圍係亦被譽為雀鳥天堂。因為水退時，小島泥灘旁有很多候鳥會在該處停留，尤其是黑面琵鷺。
除鳥類外，南生圍內亦有不同種類的動植物，例如赤桉樹、蘆葦、紅頭潛鴨、青頭潛鴨及招潮蟹等等。
大草地適合各式各樣親子活動
小路的盡頭係一片大草地。既可踩單車又可放風箏及玩模型飛機等活動。岩晒一家大細連埋寵物一齊黎！
進階版：
由於此路線會有少部分需在馬路上踩，小編不建議初學者踩此路線。
路程比簡單版長
由元朗站附近租單車後沿青山公路旁單車徑往錦田方向一直踏，到錦田凹頭交匯處位置靠左上到青山公路潭尾段，巴士站前路口左轉就會到達南生圍路。沿南生圍路踩5公里左右就會到達以上提及大草地的位置。
風味豆腐花
沿路亦有風味豆腐花及士多可補給！
攝影天堂
此路線除了能影到很多美景外亦能見到不同種類的動植物，是一眾攝影愛好者的天堂。
交通方法
乘西鐵到元朗站
或直接駕駛至南生圍路
Jollymap all right reserved
