麻婆豆腐、煎釀豆腐，仲有茶記經典豆腐火腩飯，簡單嘅豆腐可以變身成多種菜式，加上營養豐富，係唔少人心目中嘅健康之選。

最近消委會測試左市面40款豆腐樣本，發現營養成分十分參差，唔同樣本嘅總脂肪含量相差超過兩倍，鈣含量相差更高達25倍。根據食安中心指引，只有兩款豆腐屬於「高鈣」食物，超過7成樣本唔屬於「低脂」，而冇任何樣本係「高蛋白質」食物。

唔同豆腐產品嘅營養成分可以好唔同，提提大家，特別係素食人士，都可以考慮進食有準確營養標籤嘅素食製品，確保可以攝取足夠同均衡嘅營養。

Intertek時刻關心你！